तारकेश्वर वडा न.१ साङ्लामा सत्तारुढ दल नेपाली कांग्रेस तथा नेकपा माओवादी केन्द्र परित्याग गरि ४७ जना नेता कार्यकर्ताहरु एमाले प्रवेश गरेका छन ।
आज बालकोटमा आयोजित एक कार्यक्रम बिच नेपाली कांग्रेसका पूर्व क्षेत्रीय सदस्य तथा स्वतन्त्र वडा अध्यक्षका उमेद्धवार बिक्रम श्रेष्ठ , कांग्रेसका कृयाशिल सदस्य प्रदिपमान सिंह कुँवर , रामशरण सापकोटा ,सवीन नेपाल , कुँवेर बुढाथोकी , कपील अधिकारी , रबीन्द्र लवट लगायत ४७ जना युवा एमाले प्रवेश गरेका हुन। उहाँहरुलाई एमाले अध्यक्ष के.पी शर्मा ओलीले खाँदा लगाएर स्वागत तथा बधाई ज्ञापन गुर्नुभएको छ ।
स्वतन्त्र उमेद्धवार तथा ईन्जिनियर समेत रहेका बिक्रम श्रेष्ठले आफू लामो समय देखी नेपाली कांग्रेसमा रहि सक्रिय राजनिती गर्दै आएको तर कांग्रेस भित्र चरम गुट उपगुटले पार्टी कम्जोर बन्दै गएको र अराजक, अवसरवादी प्रबृद्धी हावी भएकै कारण अब युवाहरुको भबिस्य कांग्रेसमा नभएका कारण आफू पाटी परित्याग गरि एमाले प्रवेश गरेको बताए ।
अन्य युवाहरुले पनि लामो समय देखि आफुहरु अग्रपंक्तिमा रहेर काम गरिरहदा पनि पाटिले कुनै पनि मुल्यांकन नगरेको र आफ्नै आसेपासेको मात्र चित्त बुझाउने काम गरेको कारणले पाटी छोडि एमाले प्रवेश गरेको बताए ।
वर्तमान समयको आवश्यकता एमाले पार्टी नै रहेको बताउदै नवप्रवेशी युवाहरुले एमाले संस्थागत ढंगले संचालन हुँदा जनविश्वास बढ्दो रहेको र देशव्यापी रुपमा एमालेको पक्षमा जनलहर आएको बताए ।
