काठमाडौं महानगरपालिकाका वडा नम्बर १६ बालाजुमा रहेको जनमैत्री अस्पताल सोमबारदेखि पुनः सञ्चालनमा आएको छ ।
सरकारले जनमैत्रीलाई हालका लागि कोभिड अस्पतालका रुपमा सञ्चालन गर्ने निर्णय गरे अनुसार सोमबारदेखि अस्पताल सञ्चालनमा आएको हो ।
हाललाई १०० बेड क्षमताको कोभिड स्पतालका रुपमा सञ्चालन गर्न लागेको अस्पतालमा आएका डाक्टर तथा नर्सलाई काठमाडौं महानगरपालिकाका वडा नम्बर १६ का वडाध्यक्ष मुकुन्द रिजालले पुष्पगुच्छाले स्वागत गरे ।
२०७२ सालको भूकम्प पछी जनमैत्री अस्पताल बन्द अवस्थामा रहेको थियो । सरकारले कोभिड अस्पताल सञ्चालनको अनुमति दिएर सञ्चालनमा आएसँगै बालाजु क्षेत्रमा कोही संक्रमित भइहाले उपचारमा सहज हुने विश्वास लिइएको छ । अस्पताल सञ्चालको लागि आवश्यक सम्पूर्ण खर्च स्वास्थ्य मन्त्रालयले गरेको बताइएको छ ।
