एमालेको संस्थापन पक्षका प्रमुख नेता तथा पूर्वउपमहासचिव प्रदीप ज्ञवाली केन्द्रीय सदस्यमा निर्वाचित भएका छन्। संस्थापन पक्षबाट महासचिवको टिकट नपाएपछि उनले केन्द्रीय सदस्य पदमा मात्रै उम्मेदवारी दिएका थिए।
महासचिव पदका लागि दावेदारी प्रस्तुत गरेका ज्ञवालीलाई संस्थापन पक्षले उपाध्यक्षमा उम्मेदवार बनाउन चाहेको थियो। तर, उनले उपाध्यक्षमा उम्मेदवारी दिन अस्वीकार गर्दै केन्द्रीय सदस्य पदमै प्रतिस्पर्धा गरेका हुन्।
ज्ञवालीले केन्द्रीय सदस्यमा उम्मेदवारी दिएपछि रिक्त बनेको स्थानमा संस्थापन पक्षबाट रघुजी पन्त उम्मेदवार बनेर विजयी भएका छन्।
खुला केन्द्रीय सदस्यतर्फ ज्ञवालीले १,९४२ मत प्राप्त गरेका छन्। उनी सर्वाधिक मत ल्याउने उम्मेदवारमध्ये एक बनेका छन्।
