कपिलवस्तुको बाणगंगा नगरपालिकाले विद्यालय, नगरपालिका मातहतका कार्यालय र स्वास्थ्य संस्था आइतबार बन्द नगर्ने निर्णय गरेको छ ।
नगरपालिका र सरोकारवालाबीच बिहीबार भएको वैठकमा आइतबार कार्यालय बन्द गर्दा विद्यार्थीको पढाई प्रभावित हुने तथा सेवाग्राही र विरामी मर्कामा पर्ने भएकाले विद्यालय, कार्यालय र स्वास्थ्य संस्था बन्द नगर्ने निर्णय भएको हो ।
नगरपालिकाभित्रका सामुदायिक र सरकारी विद्यालय, नगरपालिका मातहतका वडा कार्यालयहरु र स्वास्थ्य संस्थाहरु आइतबार पनि सञ्चालन हुने निर्णय गरिएको प्रमुख प्रशासकीय अधिकृत टेकराज पन्थीले जानकारी दिए ।
उनले अन्य ठाउँमा सरकारले आइतबार बिदा दिए पनि यहाँ १ महिना परीक्षण कालको लागि बिदा घटाएर काम गर्ने टुङ्गोमा पुगेको बताए ।
सरकारले आइतबार सार्वजनिक बिदा दिने निर्णय गरेको छ ।
